Фирдүс Тямаев кар чистарту җайланмасы белән шаккатырган

ТР атказанган артисты Фирдүс Тямаев та бу көннәрдә кар белән көрәшкән. Социаль челтәрдәге рәсми аккаунтында ул үзенчәлекле чистарту техникасына утырып: “Кайсыгызга килим?” дип видео урнаштырган. Шунда ук җырчы миниэттергеченең куәтен күрсәтеп, эшләтеп тә күрсәткән. 

Җырчының подписчиклары исә әлеге пост астында  йөздән артык комментарий калдырган. Кемнәрдер соклану хисен белдерсә, икенче берәүләр мондый техниканы кайдан алып була, дип кызыксынган. “Оныкларыма килеп, тау ясап бир әле, зинһар өчен”, - дип язучылар да булган. 

(Фотоскриннар җырчының рәсми аккаунтыннан)