14 көн кайнар су булмаячак

Шәһәрдә соңгы опрессовка көтелә. Җылылык челтәрләрен гидравлик сынау бөтен Чаллы буенча узачак, димәк кайнар су барлык комплексларда да булмаячак. Әлеге вакыйга 2 сентябрьдән 15 нә кадәр планлаштырылган.  Эшлекле дүшәмбе киңәшмәсендә Наил Мәһдиев «Яр Чаллы җылылык челтәрләре» предприятиесе директоры Айрат Зәйнуллинга җылылык бирү сезонына да әзер торырга кушты: “Сентябрь башында да җылылык биргән чаклар булды. Без әбиләр чуагы булыр дип өметләнәбез, әмма бөтен нәрсә бездән генә тормый”.