Берьюлы ике шатлык

Моң сөюче шәһәрдәшләргә шатлыклы хәбәр җиткерәбез - Чаллыга илебез телевидениесенең иң югары рейтингка ия "Голос" проектында танылу алган ТРның атказанган артисты Эльмира Кәлимуллина килә. Аның концерты 11 март 19 сәгатьтә Сара Садыйкова исемендәге концерт залында була. Кичәдә "Голос. Дети" финалисты Сәидә Мөхәммәтҗанова да җырлый. Тамашачыларны милли моңнарыбыз белән бергә "Голос" проектының иң популяр җырлары, Эльмира үзе иҗат җырлар һәм Сәидә Мөхәммәтҗанова белән дуэтлары көтә.