Чаллы укытучысы - Россиянең «Беренче укытучы»сы

Мәскәүдә һөнәри осталык буенча «Беренче укытучы» Бөтенроссия бәйгесендә катнашучыларны хөрмәтләделәр. 

Чаллының 62нче мәгариф учреждениесенең башлангыч сыйныф укытучысы Анна Мельникова «Блицтурнир» һәм «Образовательный форсаж» сынауларын уңышлы узып бәйгенең призеры булды. 

Анна Анатольевна мәгариф системасында 6 ел эшли. 

Дүшәмбе киңәшмәсендә аны Чаллы мэры Наил Мәһдиев  котлады.

Анна Мельникова бәйгедә катнашырга ярдәм иткән өчен шәһәр, мәгариф идарәсе җитәкчелегенә рәхмәт белдерде.

«Әлеге мәртәбәле бәйгедә Чаллы данын яклау минем өчен зур дәрәҗә булды. Сезнең ярдәм белән уңышка ирештем. Чаллыда белем бирү Россиядә генә түгел, дөнья күләмендә  иң яхшысы булыр», – диде ул.