Чаллыда чәчәкләр павильонын сүттеләр

Тынычлык проспектында, Эчке эшләр идарәсе тукталышы янында урнашкан «Планета цветов» павильонын сүттеләр. Бу хакта Үзәк район администрациясе хәбәр итте. 

«Эшләр башкарма комитетның 7379 номерлы карары нигезендә башкарылды. Законсыз урнаштырылган объектларны ачыклап, җимерү эше бара», – дип белдерделәр. 

Чаллы тукталышларында законсыз төзелгән күп кенә объектлар юк ителде. Вахитов проспектында «Теремок» кибете һәм Мәктәп тукталышында «Нур» киоскы  җимерелде. 3 ел элек «Райисполком» тукталышында «Донер» кафесы, «Между булок», “Вкусно house” һәм Li & Li чәчәкләр бутигы сүтелде. Бу хакта монда язган идек. 

Фотолар Үзәк район администрациясеннән