Чаллыда эскәмиядә утыручы янып үлә язды

47 комплекста эскәмиядә утыручы ир-атка ут капты. Бу вакытта ул тәмәке тарткан була, күрәсең. Әлеге момент домофон видеокамерасына эләгә. Өс киеме дөрләп яна башлаган ир-атка үтеп баручы машина хуҗасы туктап ярдәм итә. Ул янгынны япма белән сүндерә. Ир-ат янында утырган шешәдәше, киресенчә, янгын чыккач тизрәк качу ягын карый. 

Зыян күргән ир-атны хастаханәгә озаталар. Хәзер ул авыр хәлдә реанимация бүлегендә. Табиблар аның гомере өчен көрәшә. Фаҗига сәбәпләре ачыклана.