Гадәттән тыш хәл кичә Габдулла Тукай исемендәге яр буенда урнашкан «Дельфин» бассейнында булган.
Чаллыдагы бер бассейнда кислород коктейльләре әзерли торган аппаратка бармакларын тыккан 8 яшьлек малайны коткарганнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
«Кичә 19.20 сәгатьтә 112 бердәм номерына Габдулла Тукай исемендәге яр буенда урнашкан «Дельфин» бассейнында 8 яшьлек малайның кислород аппаратында кулы кысылып калуы хакында хәбәр килгән», - дип искәрттеләр ведомствоның матбугат хезмәтендә.
Чакыру буенча килгән 6нчы зона янгын-коткару отряды хезмәткәрләре малайның бармакларын коктейльләр әзерли торган аппараттан чыгарган, шуннан соң әнисе баланы травматология пунктына алып киткән.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев