Чаллыда кечкенә тамашачылар өчен Яңа ел әкияте әзерләнә

Чаллы театрының иҗат коллективы яшь тамашачылары өчен Олег Киньзягулов инсценировкасында «Кыш Бабайга бүләк» дип исемләнгән Яңа ел әкиятен әзерләде. Чын Кыш Бабайга ышанган кечкенә кызчык аны эзләп табып күрергә һәм шигырен сөйләргә хыяллана. Әкияттән тыш балалар өчен чыршы янында Яңа ел тамашасы, Кыш Бабай һәм Кар Кызы катнашы белән төрле уеннар, конкурслар булачак. Яңа ел әкияте 2017 елның 22 декабреннән 30 декабрьгә кадәр һәм 2018 елның 4 гыйнварыннан 6 гыйнварга кадәр күрсәтелә. Билетларны театр кассасында алырга була.