Ир-ат балага: «Колготкиеңны салып бир - 1 мең сум бирәм»

Чаллыда 40 яшьләр тирәсе ир-ат кыз балага колготкиен салып бирергә сорый. Моның өчен ул 1 мең сум тәкъдим итә. Аларның аралашуы подъезд домофонына языла.

25нче комплекс подъездына кыз бала белдерүләр элә. Ир-ат аның янында туктап, подъездда басып торырга тәкъдим итә. Кыз игътибар итмәгәч, эше белән кызыксына башлый. «Бер белдерү ябыштыру 35 сум», – ди кыз. Ир-ат күбрәк түләргә теләк белдерә. Моның өчен носкиен салып бирергә сорый. Носки юк дигәч – колготкиен. Башта 500 сум, аннан 1 мең сум бирәм, ди. Кыз ризалашмый. «Нәрсә булган, колготкиеңны алам да китәм», – дип үгетли башлый. Кыз аңлагандай, тизрәк качу ягын карый. 

Рамазан аенда изгелек эшләргә теләгәнме бу ир-ат, әллә язның иртә килүе тәэсир иткәнме? Билгесез. Әлеге факт буенча без Эчке эшләр идарәсенә мөрәҗәгать иттек. Җавап көтәбез. 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).