Рөстәм Миңнеханов Россия Президенты Владимир Путинны туган көне белән котлады

Татарстан Рәисе Рөстәм Миңнеханов Россия Президенты Владимир Путинга республика халкы исеменнән туган көне уңаеннан котлау юллады, дип хәбәр ителә ТР Рәисенең МАКСтагы рәсми каналында.

Котлауда татарстанлыларның Путинны чын күңелдән туган көне белән тәбрик итүе турында сүз бара.

«Сезгә нык сәламәтлек, күңел җылылыгы, яңа казанышларга ирешү өчен көч-куәт телибез. Якын кешеләрегез, ышанычлы дусларыгыз һәм Сезгә чын күңелдән теләктәшлек белдерүчеләр һәрвакыт янәшәгездә булсын», – диелә котлауда.

Шулай ук котлауда Татарстан халкының Путинга нык сәламәтлек, җан тынычлыгы һәм озын гомер теләве турында әйтелә.

«Һәр көнегез шатлыклы яңалыкларга, җылы очрашуларга һәм яхшы кешеләр белән аралашуларга бай булсын. Зур хөрмәт һәм иң изге теләкләр белән – Татарстан халкы!» – дип сүзен тәмамлаган Миңнеханов.