Терактта вафат булганнар рухына Чаллы мәчетләрендә дога кылачаклар

22 мартта Мәскәү өлкәсендәге терактта вафат булганнар рухына бүген Чаллы мәчетләрендә дога кылачаклар. Бу хакта безгә шәһәрнең имам-мөхтәсибе Әлфәс хәзрәт Гайфуллин хәбәр итте. 

Моңа кадәр Татарстанның баш мөфтие Камил хәзрәт Сәмигуллин да "Крокус сити холл" концертлар залында фаҗига сәбәпле кайгы уртаклашты. 

"Сезгә сабырлык һәм ныклык сорап, шулай ук яраланган һәркемгә шифа теләп, дога кылабыз», - диде дин әһеле.