Июльдә бакча эшләре
Июль бакчачыга, эш һәм мәшәкатьләрдән тыш, беренче мул уңыш та бүләк итә. Бакчадагы эшләр алдагы айныкына охшаш – чүп үләннәре һәм корткычларга каршы көрәшү, үсемлекләрнең төпләрен йомшарту, өстәмә тукландыру, су сибү.
* Ай башында җиләк-җимеш агачларын өстәмә тукландырыгыз. Аеруча уңышы мул булган агачка ярдәм кирәк. Көннәр коры торса, тукландырыр алдыннан, мул итеп су сибегез.
* Бакча җиләге өлгерде. Иң эре җиләкле төпләрне ачыклап, билгеләп куегыз. Җиләкләрне зурайту өчен, мыекчаларны нәкъ шул төптән алырга тырышыгыз. Җиләк биреп бетергәннән соң, үсемлекләрне эшкәртеп, төпләрен йомшартып чыгарга кирәк.
* Помидор төбен өегез, бу аның ян тамырчалары үсүгә ярдәм итәчәк. Ян сабакчаларын даими өзеп тору уңыш бирүчәнлеген тизләтә.
* Ташкабак, патиссонның сабаклары котырып үссә, төп сабакның – очын, яфраклары куе булса, берничәсен өзәргә кирәк. Һава йөрмәгәнлектән, ташкабак чери башларга мөмкин.
* Сарымсакның чәчәк чукларын өзегез, югыйсә аның төбе тиешенчә үсә алмаячак.
Следите за самым важным и интересным в Telegram-каналеТатмедиа
Нет комментариев