17 кешене административ җаваплылыкка тартканнар. Ни өчен?

Балигъ булмаган яшүсмерләр эшләре буенча инспекторлар "Форпост" яшьләр хокук саклау хәрәкәте белән берлектә төнге рейдка чыкты. Рейдның максаты- транспортта балалар җәрәхәтләнү очракларын кисәтү һәм балигъ булмаганнар арасында трамвай юлларында " тәвәкәллек яратучы"ларны ачыклау. Төнге рейд шундый дүрт яшүсмерне күреп алды.

Мондый очракларда юл йөрү кагыйдәләрен бозган яшүсмерләрнең ата-аналары административ җаваплылыкка тартыла. Административ хокук кодексының 5.35 маддәсе буенча ата-анадар яки опекуннар балигъ булмаган яшүсмерләрне тәрбияләү буенча бурычларын тиешенчә үтәмәгән өчен штрафка тартыла.

Узган ел шундый рейдлар нәтиҗәсендә балаларының куркыныч мавыгуларын контрольдә тота алмаган 17 ата-ана административ җаваплылыкка тартылган булган.

Бу юнәлештәге профилактик чаралар алга таба да үткәрелеп торачак.