2 еллык тәнәфестән соң Боз сарае тимераякта шуучыларны кабул итә башлады

Чаллының боз сараенда 2 елдан соң кабат тимераякларда шуу мөмкинлеге булдырылды. Мәгълүм булганча, башта пандемия сәбәпле, аннары янгын сүндерүчеләрнең бинаның тәмамланмаган ремонтында хилафлыклар табу нәтиҗәсендә, шәһәрдәшләребезгә бозга керү тыелды. 

Беренче саенс 18 декабрьгә плантлаштырылган. Ябык аренада бары бер сәгать, кичке алтыдан җидегә кадәр шуарга мөмкин булачак. Кассалар 16:00 сәгатьтән эшли. Билет бәясе, үз тимераягың белән килгән очракта, өлкәннәр өчен - 100 сум, балаларга – 80 сум. Прокат бәясен кертеп исәпләгәндә, зурларга  – 200, кечкенәләргә - 100 сум, дип хәбәр итә https://chelny-izvest.ru.

фото: https://smitsport.ru