Әҗмәкәй юлында коточкыч авария - 2 кеше гомере өзелде

Тукай районының Әҗмәкәй авылы юлында бүген каты авария булды. Ике чит ил автомобиле бәрелешеп, танымаслык хәлгә килде. Инспекторлар әйтүенчә, "Great Wall" хуҗасы зур тизлек белән каршы полосага чыккан. Ул вакытта үз полосасыннан "Nissan" автомобиле килгән.

"Nissan" машинасының 35 яшьлек хуҗасы һәм пассажиры урында ук җан биргәннәр. "Great Wall" автомобилен йөртүче һәм пассажиры тән җәрәхәтләре алган. Хәзер юл-транспорт һәлакәте сәбәпләре ачыклана. Авария урынында табиблар, коткаручылар эшләде.

Тукай районының ЮХИДИ хезмәте фотолары

Тагы да кызыклырак яңалыклар - "Шәһри Чаллы" газетасының Телеграмм каналында