Автогигант хәрбиләргә 35 млн сумлык гуманитар ярдәм җибәрде

«КАМАЗ» ГАҖ шефлыкка алган хәрби частьләргә 80 тоннага якын гуманитар ярдәм туплап озатты. Татарстан хәрбиләренә 35 млн сумлык гуманитар йөкне РФ Дәүләт Думасы депутаты Әлфия Когогина тапшырды.

«Без хәрбиләргә җиде квадроцикл, автомобильләргә запас частьләр, балонлы газ, дизель һәм бензин генераторлары, төзелеш материаллары, азык-төлек һәм башка кирәк-яраклар тупладык. Бу игелекле эштә автогигантта эшләүчеләр катнашты», –  диде ул.

Ниләр кирәген хәрбиләр үзләре әйтә икән. Автогигант гуманитар йөкне мөстәкыйль рәвештә җыеп, хәрбиләргә һәм Россиянең яңа регионнарында яшәүчеләргә илтеп тапшыра. Бу эшне даими рәвештә автогигантның сыйфат департаменты шоферлары башкара.

Фото Әлфия Когогинаның социаль челтәрдәге сәхифәсеннән алынды