Ул халыкара балаларны яклау көненә багышлана.
1 июньдә Җиңү паркында халыкара балаларны яклау көненә багышланган «Капитошка» бәйрәме була.
Биредә балалар өчен төрле уеннар, робот техникасы буенча мастер-класслар, гамәли-сәнгать күргәзмәсе һәм башка кызыклы чаралар оештырыла.
Малайлар һәм кызлар иҗатта, төрле ярышларда үзләрен сыный алалар. Уеннарда катнашучыларга бүләкләр һәм күчтәнәчләр тапшырылачак.
Шулай ук ата-аналар төрле табиблардан, робот техникасы, инженерлык, туризм, тел өйрәтү мәктәпләреннән бушлай консультацияләр ала алачаклар.
Яшь Чаллылыларны бәйрәм белән котларга Башкарма комитет җитәкчесе урынбасары Наталия Кропотова, Чаллының сәүдә-сәнәгать палатасы генераль директоры Фәрит Бәшәров һәм башка җитәкчеләр киләчәк.
Гаилә өчен файдалы һәм күңелле бәйрәм көндезге сәгать 11дә башлана.
Лилия Хәбибҗанова фотолары.
Нет комментариев