Чаллы мэрына Казанда зур бүләк тапшырдылар

Казанда «Бердәм Россия» партиясе Татарстан бүлегенең конференциясе бара. Анда мэр Наил Мәһдиев җитәкчелегендәге Чаллы делегациясе дә катнаша. 

Конференциядә Россия Президентын сайлауга зур өлеш кертүчеләрне бүләкләделәр.  

Чаллы мэры Наил Мәһдиев белән башкарма комитетның аппарат җитәкчесе Гөлнар Әхмәтова  Россия Президенты Владимир Путинның рәхмәт хаты белән бүләкләнде. 

Делегатлар республикада  бердәм сайлау һәм бер мандатлы округлар буенча исемлекләрне раслыйлар. Шулай ук сайлау алды программасын кабул итәләр.

Партия исемлеген ТР Дәүләт Советы рәисе Фәрит Мөхәммәтшин җитәкли. Аның артыннан Россия Герое Рәсим Баксиков, Татарстанның кеше хокукларын яклау буенча вәкаләтлесе Сәрия Сабурская бара.