Пенсионер Чаллының «Җәмигъ» мәчетенә ярты миллион сум акча күчергән

Алабугада яшәүче пенсионер Чаллыдагы «Җәмигъ» мәчете төзелешенә 500 мең сум акча күчергән. Бу хәбәрне шәһәр хакимиятенең телеграмм каналы җиткерде. 

Күрше Алабугада яшәүче пенсионер Марсель Сәрвәров Чаллыга килеп, «Җәмигъ» мәчете төзелешен караган. Ул күргәннәреннән канәгать калган һәм: «Финанс ярдәм күрсәтәсем килә», – дип мәчет төзелешенә ярдәм фондының реквизитларын алып киткән. Шул ук көнне кич белән фондка 500 мең сум акча күчергән. Милләттәшебезнең игелекле гамәлен Аллаһ кабул итсен.

Фото социаль челтәрдән алынды