Әлеге конференцияне ТР Коръәнне һәм сөннәтне өйрәнү үзәге Диния нәзарәте ярдәмендә оештыра.
Чарада дөньяви галимнәр һәм дин белгечләре мөселман дөньясының төрле төбәкләрендә радикал фикерләрнең таралышы хакында сөйләшәчәк. Дини шигарәләр астында террорлык күренешләре барлыкка килү сәбәпләре һәм бу күренешләрнең мөселманнар өммәтенә йогынтысы хакында фикер алышачак.
Конференцияне үткәрүнең максаты Коръәндә язылган хакыйкатькә таянып, радикализмга һәм террорлыкка каршы рекомендацияләр бирүдән гыйбарәт.
Сөйләшүдә Россия, Ирак, Ливан, Төркиядән шәехлар, докторлар, профессорлар, мөгаллимнәр катнашуы көтелә, ди Диния нәзарәтенең матбугат хезмәте.
Конференциягә чакырылган Россия дини оешмалар лидерлары арасында Татарстан мөфтие Камил хәзрәт Сәмигуллин, Баш мөфти Тәлгать хәзрәт Таҗетдин, Россия Үзәк Диния нәзарәте рәисе, мөфти Равил хәзрәт Гайнетдин дә бар.
Нет комментариев