«Бережок» һәм «Энергетик» бакчачылык ширкәтләренә су басу яныймы?

Түбән Кама сусаклагычында тәүлек буе кизү оештырылган. Постта торучылар Түбән Кама ГЭСының түбән бьефында су күләмен контрольдә тота. «Бережок» һәм «Энергетик» бакчачылык ширкәтләре куркыныч зонада. Әлегә су критик нормага җитмәгән. Шулай да шәһәр мэры Наил Мәһдиев контрольне дәвам итәргә кушты. Ул Чаллы елгасының сюрпризын искә төшерде.

«30 елга беренче тапкыр елга ярларыннан чыгып, «Притяжение» микрорайны территориясен су бастырды», – диде ул.