Бүген Чаллыда Пушкин көнен билгеләп үтәчәкләр

Бәйрәм буена «Пушкин вакыты геройлары» дип исемләнгән фотоурын да эшлиячәк, монда теләге булган һәркем 19 гасырның беренче яртысы өс киемнәре белән фотога төшә алачак. Үзегезне романтик җанлы Татьяны Ларина, я булмаса Евгений Онегин итеп хис итә алачаксыз. Моннан тыш бәйрәмдә уен мәйданчыклары да булачак: «Пушкинның әкияти дөньясы», «Пушкин әкиятләре утравы», «Әкияти калейдоскоп», «Сихри Пушкин илендә» дип исемләнгән интерактив күргәзмә дә оештырылачак. 
Чара барышында теләгәннәр «Пушкин открыткасы» исеме астында скрапбукинг техникасында махсус мастер-класста да катнаша алачак. Шулай ук бәйрәмдә асфальтка рәсем ясау бәйгесе дә үтәчәк. Балаларга Пушкин әкиятләре геройларын ясарга тәкъдим ителәчәк. Ачык микрофон алдында шәһәребезнең язучылары чыгыш ясыячак, алар бөек рус классигы әсәрләрен укыячак.
Бәйрәмгә рәхим итегез!