Әбиләрне "сиделка" карый

Шәһәребездә “Сиделка” пилот проекты гамәлгә ашырыла башлады. Бу проект үзләрен карый алмаган өлкән яшьтәгеләргә һәм инвалидларга ярдәм итү максатыннан барлыкка килде.

“Ышаныч” социаль ярдәм күрсәтү үзәге хезмәткәрләре “Содействие”  оешмасы белән берлектә күрсәтелә торган хезмәтләрнең үтәлешен һәм сыйфатын тикшереп торалар. Тикшерүләр Чаллы өлкәннәренең “Сиделка” хезмәтеннән канәгать булуын күрсәткән. “Сиделка”лар ярдәмгә мохтаҗларга булышып кына калмыйлар, күпләрнең якын, кадерле кешеләренә дә әйләнәләр икән.