Блогер Олеся Борина (Мама Маликушки) гаиләсе белән чемодансыз калды

Чаллыда яшәүче блогер Олеся Борина гаиләсе белән Төркиягә ялга китте. Гаилә Габдулла Тукай исемендәге Казан халыкара аэропортыннан күтәренке күңел белән ялга очты. Әмма Төркиядә аларны күңелсез хәл көткән. Самолеттагы бөтен пассажирның багажы Казанда калган.
Олесяның нечкә күңеллле кызы Мәликә моны белгәч елап ук җибәргән. 

«Купальник та, сланцы да юк. Бөтен нәрсә чемоданда иде. Аягыбызда кроссовкалар. Төркия аэропортында чемоданнар урынына барыбызга да ак футболкалар, ак эчке киемнәр бирделәр. Отельгә урнашкач дуә кереп чыктык та, ак футболкалар киеп ятып ял итәргә булдык», – дип хәбәр итте Олеся Борина.

Алар якын арада чемоданнары отельгә килеп җитәр һәм теләгәнчә ял итәрбез дип ышаналар. 
 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).