Бүген ТР Рәисе Рөстәм Миңнехановның туган көне!

Буген,1 март, Татарстан Республикасы Рәисе Рөстәм Миңнехановның туган көне. Ул 67 яшен тутырды. Рөстәм Миңнеханов республика үсеше өчен бер генә дистә ел хезмәт итми. Башта Биектау районын җитәкли, аннары финанс министры, Татарстан Премьер-министры һәм инде 10 елдан артык ул республикабыз башлыгы.

Халыкның мәнфәгатьләрен яхшы тоемлап, ил сулышын нечкә сиземләп аксакаллардай олпат ил агасы булып җитешсә дә,  ул әле дә егетләрчә җитез, актив. Замана технологияләрен дә ул беренчеләрдән куллана башлый, һәр тармаката үрнәк буларга өнди. 

Рәисебезгә киләчәктә дә ныклы сәламәтлек, күркәм сабырлык, янә дә үткен зиһен, шатлык-куанычлар телибез!