Хәрбиләр Чаллы балаларына рәхмәт белдерә

Чаллының «Шатлык» балалар бакчасы коллективы татар телен саклауга, балаларда милләтебезгә мәхәббәт уятуда, патриотик тәрбия бирү буенча зур эш башкара. 

Бирегә йөрүче балалар татар телендә сөйләүләре, җыр-биюгә оста булулары өстенә  махсус хәрби операциядәге хәрбиләргә дә даими булышалар.
Малайлар һәм кызлар Ватанны саклаучылар бәйрәменә махсус хәрби операция зонасындагы абыйларына бүләкләр ясап җибәргәннәр. 

Хәрбиләр нәниләрнең бүләкләрен алып сөенгәннәр.

«Бик кирәкле әйберләр җибәргәнсез. Аның бизәлеше нинди матур! Безгә ярдәм иткәнегез өчен рәхмәт. Без җиңеп кайтырбыз», – дип видеоязма җибәргәннәр.

«Без егетләргә даими ярдәм итәбез. Хәзер балалар окоп шәмнәре ясау өчен банкалар җыялар. Хәрбиләр үзләренә ярдәмне һәрдаим тоеп торсыннар», – ди балалар бакчасы мөдире Илүсә Гамманова. 

Фотолар Илүсә Гаммановадан алынды