Чаллы кешесе Свердловск өлкәсендә һәлак булган

Йөк машинасын йөртүче Чаллы кешесе Свердловск өлкәсенең  «Пермь-Екатеринбург» трассасында юл-транспорт һәлакәтенә юлыга.  Фаҗига бүген иртән була. 

Җирле дәүләт автоинспекциясе мәгълүматлары буенча, әлегә ачыкланмаган сәбәпләр буенча, 68 яшьлек ир «КАМАЗ» тягачын каршы якка чыгара һәм машина юл читенә төшеп китә.  «Урынга килгән ашыгыч медицина ярдәме бригадасы юл-транспорт һәлакәтенә бәйле җәрәхәтләрне теркәми. Үлем фактын гына раслый», – дип хәбәр итәләр ведомствода.

Фаҗига урынында Дәүләт автоинспекциясе хезмәткәрләре һәм тикшерү төркеме эшли. 

Фото: Первоуральск шәһәре дәүләт автоинспекциясеннән алынды.