Чаллы кызы җәяүле походка китә

Чаллы кызы Диләрә Юмангулова өч ел рәттән Россиякүләм проект кысаларында «Бию таулары» лагере оештырды. Соңгысы  Башкортостанның Айгир тавында үтте. Анда 18-29 яшьлек 100дән артык кеше килгән. 

«Алар белән бергә бию серләренә төшендек. Партнерым Равил Саматов һәм бию укытучылары белән бергә мастер-класслар да үткәрдем. Җирдән 700 метр биеклектәге  тау башында бер ай яшәдек. Үзем ашарга пешердем. Тауларга сәяхәткә йөрдек», – ди Диләрә.

Быел ул яңа проектта катнаша.

«Иртәгә ике атналык җәяүле сәяхәткә китәм. Португалиядән Испаниягә кадәр 350 км юл үтәбез. Бу «Путь Сантьяго» дип атала. Дини-белем бирү проекты. Аллаһы боерса барсы да уңышлы булыр», – диде ул. 
 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).