Чаллы мәктәпләрендә контроль-тикшерү пунктлары булдырылачак

Чаллының башкарма комитеты шәһәрнең 13 мәктәбендә контроль-тикшерү пунктын булдыру турында карар кабул итте. Моның өчен 31,8 миллион сум акча бүленгән.

Мондый пунктлар сэндвич-панельләр белән тышланачак, анда 4 видеокамера, видеодомофон, чакыру төймәләре урнаштырылачак. Бу проектта контактсыз эшли торган 2 мең карта куллану да каралган.

КППлар 15, 19, 30, 32, 34, 35, 39, 40, 41, 42, 45, 8нче мәктәпләрдә һәм 26нчы  гимназиядә булдырыла.