«Әгәр сезгә файдасы тисә, бик шат булыр идем», - ди 78 яшьлек әби.
Чаллыда яшәүче өлкән яшьтәге ханым махсус хәрби операциядәгеләргә җылы оекбашлар бәйләүче кукмаралыларга электр йон җегерләгеч бүләк иткән. Ул телевизордан хатын-кызларның кул белән йон җегерләгәннәрен күргәч, аларның хезмәтләрен җиңеләйтергә теләгән.
«Хөрмәтле, кукмаралылар! Сезне 78 яшьлек әби борчый. 15,16 гыйнвар көннәрендә безнең «Татарстан» каналын караганда Кукмара хатын-кызларының фронтка оекбаш бәйләгәннәрен һәм орчык белән йон җегерләгәннәрен күрдем. Ә минем йон җегерләгечем электрныкы, ул инде миңа кирәк тә түгел, әгәр сезгә файдасы тисә, бик шат булыр идем», – дип хат язган ул.
Фото Ризилә Корбанова/ «Хезмәт даны»
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев