Чаллы республика бәйгесендә өч җиңү яулады

Чаллы «Канун территориясе» республика бәйгесендә  өч номинациядә җиңү яулады. Җиңүчеләрне Казанда бүләкләделәр. 

ТР Премьер-министры Алексей Песошин «Шәһәр округында һәм муниципаль округ территорриясендә хокук тәртибен тәэмин итүгә зур өлеш керткән өчен» номинациясендә беренче урын яулаган өчен  Чаллы мэры Наил Мәһдиевка диплом тапшырды. 

«Җәмәгатьчелекне җәлеп итеп җәмәгать тәртибен саклау» номинациясендә «Форпост» яшьләр үзәге җиңде. Бүләкне Илнур Миндубаев алды. 

«Хокук саклау эшчәнлегенә ярдәм» номинациясендә «Татэнерго» АҖ филиалы «Түбән Кама ГЭСы» директоры Илдус Муллагалиев бүләкләнде. 

Фотолар шәһәр хакимиятенең телеграмм каналыннан алынды