Чаллы слесаре мошенникларга 135 мең сум акча күчергән

Чаллыда мошенниклар ятьмәсенә эләгүчеләр саны кимеми. 21 яшьлек югары уку йорты укытучысы арендага фатир алмакчы була. Игълан буенча үзенә ошаган фатирны таба һәм тиеше кешегә 400 сум акча күчерә. Фатир ачкычын алу өчен шалтарта, әмма телефон «не доступен» дип җавап бирә. Шуннан соң гына укытучы үзенең мошенникларга акча күчергәнен аңлый. 

Бер пенсионер 70 мең акчасын банкомат аша мошенникларга күчерә... Аның акчасы Түбән Новгородтка киткән булып чыккан. 
49 яшьлек слесарь дә алданып, 135 мең сум акчасын мошенникларга җибәргән. Бу эшләр буенча җинаять эше ачылган, ләкин югалган акчаларны кайтарып булырмы, юкмы, анысы билгесез.