Чаллы-Түбән Кама юлында фаҗига

Чаллы-Түбән Кама юлында кеше үлеме белән бәйле юл-транспорт һәлакәте теркәлде. Биредә автокаладан чыгып килүче Mitsubishi машинасы 64 яшьлек пенсионер ханымны бәрдерде. Беренчел мәгълүматлар буенча, ул юлны тиешсез урыннан чыккан. Руль  артында 23 яшьлек машина йөртүче булган. Кызганычка каршы, зыян күрүченең табиблар килгәнче үк гомере өзелгән.

Хәзерге вакытта авариянең сәбәпләре өйрәнелә. Тикшерү барышын Тукай районы прокуратурасы үз контроле астына алган.