Чаллы урамы СВОда катнашучылар исемен йөртәчәк

Быел Бөек Ватан сугышында Җиңүнең 80 еллыгын, илебездә һәм республикада Ватанны саклаучылар елын билгеләп үтәбез. Аның кысаларында СВОда катнашучыларга да зур игътибар биреләчәк. Батырлыкларын мәңгелләштерү максатыннан урамнарның берсе СВОда катнашучылар исемен йөртәчәк. 

«Берничә вариант тәкъдим ителергә тиеш. Мин исеме булган урамны үзгәртү яклы түгел. Документлар үзгәрү нәтиҗәсендә проблемалар туа. Безнең яңа микрорайоннар бар, яңа комплекслар төзелә. СВО ветераннар Советы үз тәкъдиме белән чыгарга тиеш. Башкарма комитет бу мәсьәләне быел ук хәл итәчәк. Апрель дәвамында тәкъдимнәр көтәбез. Барысын да караячакбыз», - диде Наил Мәһдиев.