Чаллы халкына 5610 вакансия тәкъдим ителә

Дүшәмбе киңәшмәсендә Чаллының мәшгульлек үзәге директоры Татьяна Быданова хезмәт базарындагы хәл белән таныштырды. Ел башыннан үзәккә эш табарга ярдәм итүне сорап, 6695 кеше мөрәҗәгать иткән. 1190 кеше рәсми рәвештә эшсез статусы алган. Барлыгы 5419 кеше эш белән тәэмин ителгән. Базада 5610 вакансия бар. «Хезмәт базарындагы бу саннар Чаллы икътисадының тотрыклы булуын күрсәтә», – диде шәһәр мэры Наил Мәһдиев.