Чаллы халкына 6189 эш урыны тәкъдим ителә

Россия «Кадрлар үзәге»нең Чаллы буенча директоры Татьяна Быданова әйтүенчә, ел башыннан үзәккә 10227 кеше мөрәҗәгать иткән. Аның 1028енә рәсми рәвештә эшсез статусы бирелгән. Чаллыда эшсезлек дәрәҗәсе – 0,36 процент. Республикада бу күрсәткеч – 0,44 процент. Быел барлыгы 8652 кеше эш белән тәэмин ителгән. Бүгенге көндә 6189 вакансия бар. Шәһәр мэры Наил Мәһдиев бу мәсьәләгә: «Чаллыда теләгән кешегә эш бар», – дип нәтиҗә ясады.

Тагы да кызыклырак яңалыклар - "Шәһри Чаллы" газетасының Телеграмм каналында