Инспекторлар игътибарлы булырга чакыра.
Чаллыда 4 ай эчендә балалар катнашында 15 юл һәлакәте булган. Бәхеткә, барысы да тән җәрәхәтләре белән генә котылган. Күрсәткечләр узган ел белән чагыштырганда 6 процентка азрак. Хәзер каникуллар вакыты. Инспекторлар уяу булырга чакыра. Хәвеф-хәтәрләр булдырмау максатыннан алар шәһәрдә «Игътибар – балалар!» профилактик чаралар уздыра. Балалар йөртүче машина йөртүчеләрне тикшерәләр, җәяүлеләргә юл бирү-бирмәүләренә игътибар итәләр. Шулай ук ата-аналар белән очрашулар оештырыла, лагерьда ял итүче яшүсмерләргә юл кагыйдәләре буенча викториналар, уеннар уздырыла.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев