Чаллыда 5 каттан егылып төшеп үлгән сабый ата-анасын җаваплылыкка тартачаклар

Тиздән Чаллыда 35 яшьлек һәм 29 яшьлек ата-ананы хөкем итәчәкләр. Алар 1 яшьлек сабыйларының үлемендә гаепләнә.

Исегезгә төшерәбез, фаҗига быел, 24 августта ГЭС бистәсе йортында килеп чыкты. 5нче каттан нарасый егылып төшеп үлде. Бу вакытта баланың ата-анасы исереп ятып йоклаган була. 3 һәм 1 яшьлек кызлар караусыз булалар. Кечесе исә урындыкка басып, тәрәзә төбенә менә. Җәй, эссе вакыт. Тәрәзә ачык була. Сабый төрле тән җәрәхәтләре алып, шәһәр хастаханәсендә һәлак булды.