Чаллыда «ФИЗ-РА» спорт үзәге ачылды

Чаллыда тантаналы рәвештә "ФИЗ-РА" спорт үзәген ачтылар. Ул Җиңүгә 40 ел урамында урнашкан. Әлеге спорт комплексы федераль, республика, шәһәр һәм инветорлар акчаларына төзелде. 

"Ул тәүлегенә 16-18 сәгатьтән дә азрак эшләмәячәк. Шуны әйтә алам: ул бик кирәкле микрорайонда төзелде. Биредә "КАМАЗ" эшчеләре өчен 6 йорт күтәрелә. 2 ел элек "КАМАЗ" боз аренасын төзүгә ирештек", - диде мэр. 

"ФИЗ-РА" спорт үзәге тәүлегенә 16 сәгать эшләячәк. Шул вакытның 40% -  муниципаль спорт мәктәпләренә бушлай булачак. Калган 60 % - футбол белән шөгыльләнергә теләүчеләргә арендага биреләчәк. 

Искәртергә кирәк, Россиядә мондый спорт үзәкләре бүген барлыгы алты шәһәрдә ачылды.  Шуларның икесе Татарстанда. Берсе Чаллы булса, икенчесе Әлмәттә. 

Фотолар Чаллы хакимиятеннән алынды