Чаллыда «Җиңү диктанты» халыкара тарихи акциясе үтәчәк

3 сентябрьдә шәһәрнең 8 мәктәбендә  (№53, №35, №48, №34, №11, №82, №6, №42) һәм Чаллы дәүләт педагогия университетында  «Җиңү диктанты» халыкара тарихи акциясе үтәчәк. Ул 25 сораудан торган тестны үз эченә ала. Аларга 45 минут эчендә җавап бирергә кирәк булачак.

Әлеге чарада диктантпобеды.рф сайты аша онлайн рәвештә дә катнашырга була. Моның өчен алдан яки 3 сентябрьдә теркәлү узарга һәм тест үтү өчен гариза бирергә кирәк. Чара Мәскәү вакыты белән 14.00 сәгатьтә башланып китәчәк. Диктант нәтиҗәләре 2022 ел ахырында билгеле булыр дип көтелә.