Чаллыда машинага ут төртүчене төрмәгә утырттылар

Чаллыда К.А.Савкин эше буенча суд утырышы булды. Ул кеше машинасына ут төртүдә гаепләнә иде. 

Исегезгә төшерәбез, вакыйга агымдагы елның 20нче гыйнварында Виктор Поляков урамындагы йорт янында була. К.А.Савкин «LADA SAMARA» автомобиленә ут төртә. Машина янып бетә. Хокук сакчылары ир-ат эзенә бик тиз чыга. Фатирында тентү уздыралар. Анда утлы корал җиһазларына тап булалар.

Суд утырышында гаепләнүче җинаять кодексының 2 маддәсе (ут төртеп, кеше милеген юкка чыгару һәм законсыз рәвештә утлы корал кирәк-яраклары сатып алу һәм саклау) буенча хөкем ителде. 

Аны 3 ел да 2 айга ирегеннән мәхрүм иттеләр.

Тагы да кызыклырак яңалыклар - "Шәһри Чаллы" газетасының Телеграмм каналында