Чаллыда скутер белән югалган ир-ат вафат

"Орёл Татарстан" эзләү отряды начар хәбәр җиткерде. 6нчы май көнне югалган 57 яшьлек ир-ат вафат. Исегезгә төшерәбез, ул Лесоцехтан эшеннән соң скутерга утырып өенә кузгала. Әмма кайтып җитми. Скутер һәм шлемын "Любитель природы" бакчачылык ширкәтенә таба юл читеннән табып алалар. Волонтерлар бөтен кырларны, чокырларны, күл буйларын карап чыга. Хәтта "Иволга" бакчачылык ширкәтенә үк барып җитәләр. Нәтиҗәсе булмый. Җиңү бәйрәме көнне иртәнге якта гына аның мәетенә тап булалар.