Чаллыда торак йортларның җылылык пунктларына нинди җайланмалар куелган?

Дүшәмбе киңәшмәсендә: «Чаллыда торак йортлардагы барлык җылылык пунктлары һава торышына бәйле рәвештә җылылыкны автоматик көйләү һәм күрсәткечләрне тапшыру  җайланмалары белән тулысынча җиһазланган», – дип хәбәр итте башкарма комитет  җитәкчесенең беренче урынбасары Илья Зуев.  

Бу җайланма, кеше катнашыннан башка, дистанцион рәвештә эшли. 

Шәһәр мэры Наил Мәһдиев: «Бу күрсәткечләргә  бик күп предприятиеләрнең эшчәнлеге нәтиҗәсендә ирешелде.  Коммуналь предприятиеләр, җылылык белән тәэмин итү оешмалары җитәкчеләренә рәхмәт. Чаллыда торак йортлар 100% җылылыкны көйләү һәм исәпләү приборлары белән җиһазланган. Чаллыда торак-коммуналь хуҗалык системасының техник яктан никадәр алга киткәнлеген без үзебез дә аңлап, бәяләп бетермибез. Соңгы елларда бик күп эш башкарылды», – диде ул.