Чаллы спортчылары дөнья рекорды куйдылар
Чаллы спортчыларыннан торган Татарстанның җыелма командасы Сочи шәһәрендә узган «ОЛИМПИЯ-IX» Европа чемпионатында җиңү яулап кайтты.
Чемпионатта мөмкинлекләре чикле шәһәрдәшләребез Августа Беляева, Гөлназ Гыйльметдинова, Ришат Фәзуллин, Николай Бердников, Фәнис Нуретдинов, Рәфыйк Ибраһимов пауэрлифтинг һәм спортның көчле төрләре Татарстан данын якладылар.
Чемпионатта барлыгы 340 кеше көч сынашты. Фәнис Нуретдинов дөнья рекорды, Гөлназ Гыйльметдинова, Рәфыйк Ибраһимов һәм Августа Беляева 3 тапкыр дөнья рекорды куючылар исемен яуладылар.
Европа чемпионаты нәтиҗәләре буенча Татарстанның җыелма командасы 1нче урынга лаек булды.
Спортчыларны югары күрсәткечләре белән котлыйбыз, алга таба да уңышлар телибез.
Следите за самым важным и интересным в Telegram-каналеТатмедиа
Нет комментариев