Чаллы укучылары - «Абилимпикс» чемпионнары

Чаллының Поташов исемендәге көллиятендә «Абилимпикс» физик мөмкинлекләре чикле кешеләр һәм инвалидлар арасында һөнәри осталык буенча VIII милли чемпионатның республика этабы үтте. 

Катнашучылар арасында Чаллының 56нчы мәктәп укучылары да бар иде. Алар «ЧПУ станокларында фрезер эшләре» компетенциясендә осталыкларын сынадылар.  Җиде катнашучы арасында 8нче сыйныф укучысы Рания Рахматуллина 1нче урынга лаек булды,  Эмиль Шлапак – 3нче урында. Чемпионатка аларны мәктәпнең хезмәт укытучысы Рамил Хәбибрахманов әзерләде.