Чаллыда беренче карны кайчан көтәргә? Синоптиклар җавапны белә.

Татарстан Республикасы территориясендә 17 октябрьдә төнлә һәм иртән урыны белән секундына 15-16 метр тизлектә көчле җил көтелә.

Яр Чаллыда болытлы һава торышы, көндез аязучан болытлы һава көтелә. Төнлә һәм иртән яңгыр, урыны белән юеш кар яварга мөмкин, көндез явым-төшемсез. Җил көньяк-көнбатыштан төньяк-көнбатышка таба 6-11 метр тизлектә, төнлә һәм иртән урыны белән секундына 15-16 метр тизлектә. Төнлә һава температурасы +1..+6˚. Көндез максималь һава температурасы +6..+10˚.

Теләсә нинди бәла-каза килеп чыккан очракта шунда ук ашыгыч хезмәтләрне бердәм чакыру номерына – «101,112» мөрәҗәгать итәргә кирәк. Шалтыратулар тәүлек әйләнәсенә стационар һәм кәрәзле телефоннардан бушлай кабул ителә.

ТР буенча Россия ГТХМ Баш идарәсенең "ышаныч телефоны" 8 (843) 288-46-96.