Чаллыда конкурлы ат ярышы өчен манеж ачылды

Чаллының «Тулпар» ат спорты мәктәбендә ябулы манеж ачылды. Ул конкурлы ат ярышлары өчен җиһазландырылган. Тантаналы ачылышта шәһәр мэре Наил Мәһдиев һәм башкарма комитет җитәкчесе Фәрид Салахов катнашты.

Шәһәр башлыгы манеж булдыруда зур өлеш керткән “Тулпар” спорт мәктәбе директоры Вильсур Мингазов һәм Фәрид Салахов хезмәтен югары бәяләде. Үз чиратында Наил Гәмбәр улы мәктәпкә спорт инвентарьләре алу өчен сертификат бүләк итте. Ул үзе дә бүләксез китмәде. Ата-аналар комитеты һәм мәктәп балалары исеменнән мэрга ат дагасы бүләк иттеләр.