Чаллыда мохтаҗларны атнасына 3 тапкыр ашата башладылар

Орган залы янында елның беренче бушлай төшке ашы 1 гыйнвар көнне үк булды. Быел кайнар төшке аш бирү шимбә, якшәмбе һәм дүшәмбе көннәрендә оештырылачак. Мохтаҗлар бу көнне 13 сәгатьтән 15 сәгатькә кадәр әлеге махсус бина янына килеп кайнар ризык кына түгел, кием-фәлән дә ала алачак. Моннан тыш мохтаҗларга һәрдаим медицина хезмәткәрләре, юристлар ярдәмгә киләчәк. Сукбайлар өчен махсус чәчтарашханә дә эшли.