Чаллыда моннан ике атна элек өйдән чыгып киткән хатын-кызны эзлиләр

Яр Чаллыда "Үзәк" 3нче полиция бүлеге хәбәрсез югалган 38 яшьлек Шакирова Лилия Гаязовнаны эзли, ул 26 июльдә өйдән чыгып киткән һәм әлегә кадәр әйләнеп кайтмаган.
Ул 48/15 йортта яшәгән, 12.00гә якын киткән һәм хәзерге вакытка кадәр аның кайда булуы ачыкланмаган.
Хатын-кыз билгеләре: буе 157 см, урта тән төзелеше, куе кызыл төстәге чәче.
Аның муенында ачкычлар бәйләме булган.
Нинди дә булса мәгълүматка ия булучылар 8 917 935 27 00, 8 927 412-69-99 телефоннары буенча шалтыратсалар иде.