Чаллыда «Май чабу» бәйрәмен үткәрәләр. Кайчан?

Шәһәрдә 17 нче февраль көнне "Май чабу" бәйрәмен билгеләп үтәләр. Әлеге чара Азатлык мәйданында, шулай ук, ГЭС?Җиңү һәм Сидоровка мәдәният һәм ял паркларында үтәчәк.
Һәрбер мәйданда театральләштерелгән тамаша, сәнгать коллективларының чыгышлары булачак. Кунакларны төрле конкурслар, бию марафоннары һәм кызыклы флешмоблар көтә. Шулай ук, барлык кышны озату бәйрәмендә катнашкан кешеләрне кайнар чәй һәм тәмле коймаклар белән сыйлаячаклар. Теләгән һәрбер кеше истәлекле бүләкләр дә сатып ала алачак.
Традиция буенча паркларда һәм "Азатлык "мәйданында карачкы яндыру булачак. Шәһәрнең культура идарәсе хәбәр итүенчә, бәйрәм тамашасы көндезге сәгать 12 дә башланачак.